गडचिरोली पोलीसांची मोठी कारवाई ; बनावट चलनी नोटा रॅकेटचा पर्दाफाश
गडचिरोली, सुखसागर झाडे :- गडचिरोली पो.स्टे. व स्थानिक गुन्हे शाखेच्या वतीने केलेल्या संयुक्त कारवाईत बनावट चलनी नोटा तयार करणाऱ्या रॅकेटचा पर्दाफाश करण्यात आला.
४ आरोपीना अटक करण्यात आली असून हायटेक कलर प्रिंटर, बॉण्ड पेपर, कटर व इतर साहित्य असा एकूण 39 हजार 700 रुपये किंमतीचा मुद्देमाल हस्तगत करण्यात आला आहे.
बँकेत जमा झालेल्या बनावट नोटांमुळे संपूर्ण रॅकेट उघडकीस आले.गडचिरोली पोलीसांच्या तत्पर तपासकामी कार्यवाही व तांत्रिक विश्लेषणामुळे आरोपींना अटक करण्यात मोठे यश आले.
जनतेने सतर्क राहून संशयास्पद व्यवहारांची माहिती तात्काळ पोलिसांना द्यावी. असे आवाहन पोलीस विभागाकडून करण्यात आले आहे.
