म्हाडा कॉलनी प्रकरणातील १८ आरोपींची जिल्हा सत्र न्यायालयाने केली मुक्तता…
मागील १२ वर्षांपासून सुरू असलेल्या चंद्रपूर जिल्हा सत्र न्यायालया तिसरे, येथील सुनावणीत दिनांक २९ नोव्हेंबर २०२५ रोजी न्यायाधीश मा. मुठाळ साहेबांनी निकाल दिला व सर्व आरोपींची निर्दोष सुटका केली.
२०१४ रोजी दाताळा येथील म्हाडा कॉलनीच्या खुल्या जागेवर बुद्ध मूर्ती व पंचशील ध्वज स्थापन करण्यात आला होता. याप्रकरणावरून मोठा वाद निर्माण झाला व म्हाडाने रामनगर पोलिस ठाणे येथे तक्रार केली. रामनगर पोलिस ठाणे येथे जमावावरती पोलिसानंकडून लाठी चार्ज देखील करण्यात आला आणि एकूण १८ लोकांवरती रामनगर पोलिसांनी शांतता भंग करणे व पोलिसांच्या कामात अडथळा करण्याच्या कारणास्तव FIR करून, त्याच्यावरती गुन्हे नोंदविण्यात आले. यामध्ये भंते अनिरुद्ध, मय्यत रामदास वनकर, इंजि. तथागत पेटकर, देशक खोब्रागडे, नगरसेवक अनिल रामटेके, राजू झोडे, अशोक घोटेकर, माया वनकर, अशोक लोणारे, कांचन लोणारे, भास्कर खडसे, आम्रपाली खडसे, अर्चना रामटेके, कल्पना चिवंडे, शैला डोके, गीता पारखी, सचिन ठमके, नंदा देशकर आदींना आरोपी करण्यात आले होते.
न्यायालयामध्ये १८ आरोपी करण्यात आलेल्या लोकांच्या वतीने वरिष्ठ वकील राजू सागोरे आणि वकील जगदीश खोब्रागडे यांनी भक्कमपणे आरोपीची बाजू मांडली. आजचा निकालाने सर्व १८ आरोपींना दिलासा मिळालेला असून सर्वांनी न्यायालयाच्या निर्णयाचे स्वागत केले.
