एचएमएस ट्रेड युनियनमध्ये शेकडो कामगारांचा भव्य पक्षप्रवेश कार्यक्रम संपन्न
घुग्घुस वेकोलि वणी क्षेत्रामध्ये एचएमएस ट्रेड युनियनला एक मोठी बळकटी मिळाली, जेव्हा शनिवारी आयोजित भव्य कार्यक्रमात शेकडो कामगारांनी युनियनची सदस्यता घेतली. हा पक्षप्रवेश कार्यक्रम घुग्घूस येथील टेंपो क्लबमध्ये पार पडला. या कार्यक्रमाचे मुख्य अतिथी कोल इंडियाचे राष्ट्रीय उपाध्यक्ष व जेबीसीसीआयचे सदस्य शिवकुमार यादव होते.
कार्यक्रमादरम्यान वणी क्षेत्रातील आयटक युनियनचे माजी क्षेत्रीय अध्यक्ष जियाउल्लाह खान यांनी आपल्या शेकडो समर्थकांसह एचएमएस युनियनमध्ये प्रवेश घेतला. शिवकुमार यादव यांनी सर्व नविन सदस्यांचे शाल,श्रीफळ देऊन स्वागत केले. यावेळी इंटक युनियनचे क्षेत्रीय सचिव रामपाल वर्मा, देशमाने आणि सुनील जानवे यांनीही आपल्या समर्थकांसह युनियनमध्ये प्रवेश घेतला.
या सदस्यता कार्यक्रमात महिलांचाही मोठा सहभाग होता. श्रीमती ईश्वरी केडाम यांचे शिवकुमार यादव यांनी पुष्पगुच्छ देऊन सन्मानपूर्वक स्वागत केले. युनियनमध्ये सामील होणाऱ्या सर्व कामगारांना पारंपरिक गमछा घालून सन्मानित करण्यात आले. विशेष म्हणजे या वेळी मोठ्या संख्येने महिला कामगारांनीही सदस्यत्व स्वीकारले, ज्यामुळे कार्यक्रमाची शोभा अधिकच वाढली.
मुख्य अतिथी शिवकुमार यादव यांनी आपल्या अध्यक्षीय भाषणात सांगितले, “प्रत्येक कार्यकर्त्याने स्वतःला शिवकुमार समजून युनियनसाठी कार्य केले पाहिजे. आपली एकता हीच आमची खरी ताकद आहे. मी नेहमीच आपल्यासाठी आणि आपल्या प्रश्नांच्या सोडवणुकीसाठी तत्पर राहीन.”
कार्यक्रमाचे स्वागतपर भाषण एचएमएस युनियनचे क्षेत्रीय अध्यक्ष दिपक जयस्वाल यांनी केले. यावेळी जेबीसीसीआय सदस्य शरद दांडे, वेकोलि वेल्फेअर बोर्ड सदस्य संजय खाडे आणि शंकर खत्री यांचीही प्रमुख उपस्थिती होती.
कार्यक्रम यशस्वी करण्यासाठी क्षेत्रीय महामंत्री विकास सोनटक्के, क्षेत्रीय जीसीसी समिती सदस्य जुबेर अहमद, वेल्फेअर समिती सदस्य दत्तात्रेय डब्बावार, त्रिपक्षीय समिती सदस्य योगेश पराते, गिरीश बेले, अमर जुमडे, घुग्घूस उपक्षेत्रीय अध्यक्ष नंदकिशोर पाटील यांच्यासह अनेक कार्यकर्त्यांनी महत्त्वाची भूमिका बजावली.
मंच संचालन त्रिपक्षीय समिती सदस्य भारत जीव आणि इम्तियाज रजाक यांनी केले, तर आभार प्रदर्शन क्षेत्रीय महामंत्री विकास सोनटक्के यांनी केले. पैनगंगा उपक्षेत्रीय अध्यक्ष श्याम सिंदुला, सचिव अरविंद उलमाले, प्रेम गंगाधरे, मंगेश भोयर, प्रशांत अड्डुर आदींचा महत्त्वाचा सहभाग लाभला.
