घुग्घुस येथे २६ व २७ जानेवारीला भव्य संमेलनाचे आयोजन
पंकज रामटेके / विशेष प्रतिनिधी
बोधिसत्त्व, परमपुज्य डॉ. बाबासाहेब आंबेडकर यांच्या पुर्णाकृती पुतळ्याच्या वर्धापन दिनानिमित्य व भारतीय संविधानाच्या अमृत महोत्सवी वर्षानिमित्य घुग्घुस येथे २६, २७ जानेवारी २०२५ ला दोन दिवसीय भव्य धम्म सम्मेलनाचे आयोजन करण्यात आले आहे बौध्द सर्कल समिती, घुग्घुस व नवबौद्ध स्मारक तथा बहुउ‌द्देशीय समिती घुग्घुस यांच्या संयुक्त विद्यमाने करण्यात आलेले आहे.
२६ जानेवारी २०२५ का या धम्म संम्मेलनाचे उ‌द्घाटन अरुणाचल प्रदेश येथील पुज्यनीय भंतेजी वण्णासामी महा येरो यांच्या करकमलांनी सकाळी ११.३० वाजता होणार असुन यावेळी नागपूर येथील पुज्यनीय भंते महातिस्स, पुज्यनीय भंते धम्म प्रकाश संबोधी थेरी। चंद्रपूर, पुज्यनीय श्र‌द्धारखीत प्रकाश महा थेरो, चंद्रपूर, पुज्यनीय भंतेजी रत्नमणी थेरो यांची प्रामुख्याने उपस्थिती राहणार आहे. उद्‌घाटना नंतर लगेच पुज्यनीय भंते संघाची धम्मदेशना होणार आहे. दुसरे सत्र आंतरराष्ट्रीय स्तरावर २०२५ च्या काळात भारतीय लोकशाहीची दुरावस्था याला येथील व्यवस्था जवाबदार कशी? या विषयावर परिसंवादाचे आयोजन करण्यात आलेले आहे. या परिसंवादाचे प्रमुख मार्गदर्शक मा. अनंता केरबाजी भवरे औरंगाबाद, तर अध्यक्ष प्रा. रवि कांबळे सर चंद्रपूर हे राहणार आहे. यावेळी प्रमुख पाहुणे म्हणून मा. खासदार प्रतिभाताई धानोरकर, मा. आमदार किशोरभाऊ जोरगेवार,, मा. देवरावभाऊ भोंगळे आमदार राजुरा तसेच एसीसी चे मा. दिगांमर्थी सत्यनारायण, मा निलेश रांजणकर मुख्याधिकारी नगर परिषद घुग्घुस, वेकोलीचे मुख्य महाप्रबंधक मा. आभास चंद्र सिंह तसेच ओबीसी समाजाच्या प्रतिनिधी म्हणून डॉ. राणी किशोर बोबडे, मुस्लिम समाजाच्या प्रतिनिधी इंजिनियर शिबा शाहा, बौद्ध समाजाच्या प्रतिनिधी डा. प्राची खैरे, आदिवासी समाजाचे प्रतिनिधी इंजिनियर अभिषेक मडावी, ईसाई समाजाचे प्रतिनिधी मा. स्टीफन सुंदेला, तर शिख समाजाचे प्रतिनिधी म्हणून मा. जतिंदर सिंह दारी हे प्रामुख्याने उपस्थित राहणार आहेत. तसेच सायंकाळी नागपूर येथील प्रख्यात प्रबोधनकार स्वप्नील मेश्राम यांच्या संगीतमय प्रबोधनाचा कार्यक्रम होणार आहे.
२७ जानेवारी २०२५ ला सकाळी ११.३० वाजता माता जिजाऊ, माता सावित्री, माता रमाई यांचे ऋण स्त्रियांना फेडता येईल का? या परिसंवादाचे आयोजन अॅड. स्मिता कांबळे, उच्च न्यायालय तथा इंडिया अगेंस्ट ई. व्ही. एम.च्या राष्ट्रीय समन्वयीका यांच्या अध्यक्षतेखाली व मा. सुजाता लाटकर कैद्रीय शिक्षिका, चंद्रपूर प्रमुख वक्त्या म्हणून उपस्थित राहणार तसेच प्रमुख मार्गदर्शक म्हणून डॉ. राजेंद्र पाल गौतम, माजी मंत्री, दिल्ली यांची विशेष उपस्थिती राहणार असून यावेळी प्रमुख उपस्थिती डॉ. विश्वास झाडे,सामाजिक कार्यकर्ते, चंद्रपूर,मा.शामराव सोनटक्के पोलिस निरिक्षक,घुग्घुस व मा. भिवराज सोनी. सामाजिक कार्यकर्ते, चंद्रपूर हे राहणार आहेत. सायंकाळी ६.०० वाजता महाराष्ट्राचे प्रख्यात प्रबोधनकार संविधान मनोहरे, अमरावती यांच्या प्रबोधनाचा कार्यक्रम राहणार आहे. तरी घुग्घुस व आजुबाजुच्या परिसरातीला नागरिकांनी मोठ्या या कार्यक्रमात संख्येने सहभागी होऊन कार्यक्रमाचा लाभ घ्यावा असे आवाहन बौद्ध सर्कल समिती व नवबौद्ध स्मारक समिती द्वारे करण्यात येत आहे.
