अल्ट्राटेक सिमेंट लिमिटेड माणिकगड व आदित्य बिरला एज्यूकेशन ट्रस्ट द्वारा मासिक पाळीवर विद्यार्थिनींना मार्गदर्शन…
या आधुनिक युगात बदलत्या जीवनशैली मुळे मासिक पाळी च्या अनेक समस्या मुली तसेच महिला वर्गात वाढत चालल्या आहेत.
त्या साठी मुलींना योग्य वयात मासिक पाळीवर योग्य मार्गदर्शनाची गरज असते हे लक्षात घेत अल्ट्राटेक माणिकगड च्या सीएसआर ने आदित्य बिरला एज्यूकेशन ट्रस्ट यांच्या उज्जास नावच्या उपक्रमा द्वारे मासिक पाळी वर मार्गदर्शन आदर्श हिंदी स्कूल गडचांदूर येथे आयोजित केले.
या मार्गदर्शनाला आदर्श हिंदी शाळेतील वर्ग 5 वी ते 10 विच्या एकूण 80 मुली तसेच महिला शिक्षक वृंद उपस्थित होता.
यात उज्जास उपक्रमातील प्रक्षिशीत महिला अधिकाऱ्यांनी मासिक पाळी तील समस्या वरती मार्गदर्शन केले. मुलींच्या समस्या ऐकून त्याचे निराकरण केले. तर सॅनिटरी पॅडचे महत्व सुद्धा समजावून सांगितले.
या उपक्रमाबद्दल बोलताना शाळेतील मुख्याध्यापिका मत्ते मॅडम यांनी उज्जास उपक्रमाची प्रशंसा केली. सीएसआर टीम ला या प्रकारचे महत्वाचे उपक्रम शाळेत वारंवार राबवावे असेही यावेळी बोलताना सांगितले.
