राष्ट्रीय लोक जनशक्ती पार्टीचा प्रतिभा धानोरकर यांना पाठिंबा
चंद्रपूर : महाविकास आघाडीच्या चंद्रपूर-वणी-आर्णी लोकसभा मतदार संघाच्या उमेदवार प्रतिभा धानोरकर यांना राष्ट्रीय लोक जनशक्ती पार्टीने जाहीर पाठिंबा दिला आहे. लोकसभा निवडणुका होत आहेत. राष्ट्रीय लोक जन शक्ती पार्टी जिल्हा चंद्रपुर तसेच दलित सेना, जिल्हा चंद्रपुर लोकसभा निवडणुकीमध्ये आपण निवडुन यावे या करीता प्रचार करण्याची चंद्रपुर जिल्ह्यातील कार्यकर्त्यांची इच्छा आहे.
आपण जनतेचे प्रश्न जाणिवपुर्वक सोडविणार व नागरिकांना न्याय मिळवुन द्याल अशी आम्हाला अपेक्षा आहे, असे विदर्भ प्रदेश,प्रधान सचिव सलीम ए. काजी धानोरकर यांना पाठविलेल्या पत्रात म्हटलं आहे. या पाठिंब्यामुळे प्रतिभा धानोरकर यांची ताकद वाढली, अशी चर्चा राजकीय वर्तुळात सुरु आहे.
