लॉयड्स मेटल्स एंड एनर्जी लिमिटेड अंर्तगत लॉईड्स इनफिनिट फॉउंडेशन तर्फ़े जल सेवा रथ चे शुभारंभ
लॉयड्स मेटल्स एंड एनर्जी लिमिटेड अंर्तगत लॉईड्स इनफिनिट फॉउंडेशन तर्फ़े घुग्घुस नगर परिषद ला वॉटर टँकर (जल सेवा रथ) देण्यात आले. सध्या घुग्घुस येथे अति उष्ण तापमानाने काही ठिकाणी बोरवेल मध्ये पाण्याची पातळी खूप कमी झाली आहे, त्यामुळे घुग्घुस परिसरातील नागरिकांना आपल्या दैनंदिन घरगुती पाण्याचा वापरासाठी पूरेसा पानी साठा उपलब्द्ध होत नाही. त्यामुळे घुग्घुस परिसरातील नागरिकांची समस्या लक्षात घेऊन व नगर परिषदेच्या मागणीनुसार लॉयड्स मेटल्स एंड एनर्जी लिमिटेड कंपनीने लॉईड्स इनफिनिट फॉउंडेशन तर्फ़े घुग्घुस नगरपरिषदेला शहरातील नागरिकांना पाणी पुरवठा करण्यासाठी ३ वॉटर टँकर उपलब्ध करून दिले. सदर टँकर हे घुग्घुस शहरातील प्रत्येक वॉर्डमध्ये पाणी वितरण करून नागरिकांची पाणी टंचाई समस्या कमी करण्यास मदद करेल.
घुग्घुस नगर परिषदेचे मुख्याधिकारी जितेंद्र गादेवार यांच्या हाताने रिबीन कापून जल सेवा रथ (टँकर) चे उद्घाटन करण्यात आले. लॉईड्स इनफिनिट फॉउंडेशन तर्फे लॉयड्स मेटल्स एंड एनर्जी लिमिटेड, घुग्घुस कंपनी चे युनिट प्रमुख संजय कुमार, मानव संसाधन उपाध्यक्ष पवन मेश्राम, सीएसआर व्यवस्थापक तरूण केशवाणी, रतन मेडा आणि नगर परिषद चे समस्त कर्मचारी उपस्थित होते.
