घुग्घुस येथील केमिस्ट अँड ड्रगिस्ट संघटनाच्या वतीने जागतिक फार्मासिस्ट दिवस साजरा
घुग्घुस – दिनांक 25/09/2022 रविवार रोजी प्राथमिक आरोग्य केंद्र घुग्घुस येथे चंद्रपूर जिल्हा केमिस्ट अँड ड्रगिस्ट संघटना (ग्रामीण) च्या वतीने *जागतिक फार्मासिस्ट दिवस* साजरा करण्यात आला. याप्रसंगी सर्वप्रथम चंद्रपूर जिल्हा केमिस्ट आणि ड्रगिस्ट संघटना ग्रामीणचे अध्यक्ष श्री संजयराव भोंगळे यांनी सर्व फार्मासिस्ट लोकांना फार्मासिस्ट पदाची शपथ दिली. त्यानंतर रुग्णालयातील आजारी व्यक्तींना श्री नारायण भाऊ ठेंगणे यांच्या मार्गदर्शनात फळ वाटप करण्यात आले. यावेळी चंद्रपूर ग्रामीण संघटनेचे सचिव श्री संजयभाऊ मासिरकर यांची प्रामुख्याने उपस्थिती होती.
यानंतर जेष्ठ केमिस्ट श्री नारायण भाऊ ठेंगणे यांनी सर्व उपस्थितांना फार्मासिस्ट आणि त्याची भूमिका याविषयी मार्गदर्शन केले. तसेच श्री संजय राव भोंगळे यांनी फार्मासिस्ट ची सामाजिक बांधिलकी ह्या विषयावर मार्गदर्शन केले. प्राथमिक आरोग्य केंद्र घुग्घुस च्या सिस्टर रामटेके आणि इतर कर्मचारी वृंद यांचे मोलाचे सहकार्य लाभले.
या कार्यक्रमाला ग्रामीण संघटनेचे खालील फार्मासिस्ट उपस्थित होते. श्री रमेशभाऊ आगलावे, शैलेश भडके, विपिन भरणे, गंधर्व भगत, संदेश पोलशेट्टीवार, पंकज गावंडे, महेश चामाटे, गजानन भोयर, शिवा बिजमवार, राकेश झाडे, गणेश नांदे, रुपेंद्र पाझारे, विजय मेहता, मनोज सिद्धमशेट्टीवार, रोहन बांदुरकर, आणि अंशुल होकम उपस्थित होते.
