गडचांदुर मधे AIMIM ची दमदार एन्ट्री
अनेक पक्षातील पुरुष,महीलाचा पक्षात प्रवेश
कोरपना, प्रवीण मेश्राम
राज्य प्रवक्ता प्रा. जावेद पाशा यांच्या अध्यक्षतेत शिवजयंती समारंभ संपन्न झाला. गडचांदुर ऑल इंडिया मजलिस ए इत्तेहादूल मुस्लिमिन पक्षाच्या वतीने शिवजयंती च्या निमित्ताने नुकताच शिवमहोत्सव व पक्ष प्रवेश समारंभ पार पडला.
यावेळी राज्य प्रवक्ता प्रा. जावेद पाशा याचे पेट्रोल पंप चौकात भव्य स्वागत करण्यात आले. मोटार सायकल रॅली ने त्यांना कार्यक्रम स्थळी आणल्या गेले. सर्व प्रथम मौलाना साजिद अश्रफी चंद्रपूर यांनी कुराण पाक ची आयात वाचून कार्यक्रमाची सूरवात झाली. रयतेचे राजे शिव छत्रपती शिवाजी महाराज याचे फोटो ला माल्यार्पण करून सभेची सुरवात करण्यात आली. यावेळी जिल्हा अध्यक्ष ऍड. नाहीद हुसैन, कोरपना तालुका महिला अध्यक्ष शमा शब्बीर शाह, गडचांदूर शहर कार्यकारणी चे पदाधिकारी हजर होते.
यावेळी विविध राजकीय पक्षांच्या पुरुष, शंभर पेक्षा जास्त महिलांनी घेतलेला AIMIM पक्षातील प्रवेश हा शहरात चर्चेचा विषय झाला. या साठी शब्बीर शाह यांनी विशेष मेहनत घेतली. यावेळी महिला कार्यकारणी गठित करण्यात आली. महिला तालुका अध्यक्ष शमा शब्बीर शहा यांची तर उपाध्यक्ष गीता बबन तेलतुंबडे, शहर अध्यक्ष अर्शिया पठाण तर उपाध्यक्ष आशू इलियास पठाण, सचिवपदी मुयरूम रहीम शेख याची निवड करण्यात येऊन राज्य प्रवक्ता प्रा.जावेद पाशा यांच्या हस्ते नियुक्ती पत्र देण्यात आले.
यावेळी पाशा यांनी शिवजयंती निमित्त व्याख्यान मधे शिवाजी महाराजाचे महिला विषयी धोरण, सर्व धर्म विषयी राजकारण हे कोणावर अन्याय करणारे नव्हते व अन्य माहिती आपल्या भाषणात विषद केली. मंचावर पक्ष अध्यक्ष एड. नाहीद हुसैन, महासचिव अश्रफ खान, चंद्रपूर अध्यक्ष अझहर शेख, मौलाना साजिद, जाकीर शेख,सोहेल मिजवाही, तालुका अध्यक्ष रफिक शेख, शहर अध्यक्ष मुमाफ शेख, शेख रऊफ, सोहेल शेख, शेख दस्तगीर, युवा अध्यक्ष मोईनोद्दीन उस्मान बेग, उपाध्यक्ष तोसीफ सय्यद सादिक सह सर्व AIMIM चे पदाधिकारी हजर होते. कार्यक्रमाचे संचालन तिलक पाटील यांनी तर प्रास्ताविक व आभार रफिक शेख यांनी मानले.
