राजुरा शहरात कालची रात्र ठरली काळी रात्र
एकाच रात्री चोरांनी फोडली मुख्य महामार्गावरील तीन दुकाने
राजुरा : राजुरा शहरातील हैदराबाद हायवे लगत असलेल्या मुख्य महामार्गावरील रात्री 2 वाजताच्या सुमारास 2 अज्ञात चोरट्यांनी ज्योतिबा शाळे जवळ नागराज पान सेंटर, कर्नल चौकातील करण फिटनेस सेंटर व वैष्णवी ऑटोमोबाईल असे तीन दुकाने एकाच रात्रीत फोडून शहरात खळबळ माजवली असून पोलिस प्रशासनाच्या कार्यप्रणालीवर प्रश्नचिन्ह निर्माण झाले आहे. या घटनेमुळे व्यापारी वर्गात चांगलीच धडकी भरली आहे.
शहरात लागलेले सीसीटीव्ही कॅमेरे प्रशासनाच्या ढिसाळ पणामुळे बंद आहेत. यामुळे गैर प्रकारावर आळा घालण्या साठी प्रशासन हतबल ठरत आहे. सदर चोरी प्रकरणातील एका चोरट्याचा चेहरा दुकानातील सीसीटीव्ही कॅमेरात कैद झाला आहे. यामुळे पोलीस प्रशासनाला चोरट्यांना बेड्या घालण्यासाठी लवकरच यश मिळेल अशी आशा व्यापारी वर्गातून व्यक्त केल्या जात आहे. पुढील तपास राजुरा पोलीस करत आहे.
