ब्रेकिंग न्यूज
सोयाबीन मळणी करताना थ्रेशर मध्ये दबून शेतमजुराचा दुर्दैवी मृत्यू
राजुरा (१६ ऑक्टो.) : सोयाबीन पिकाची थ्रेशरच्या साहाय्याने मळणी करताना थ्रेशर मध्ये दबून मृत्यू झाल्याची दुर्दैवी घटना आज सकाळी तालुक्यातील गोयेगाव येथील शेत शिवारात घडली.
मधुकर ताजने यांच्या शेतात सोयाबीनची मळणी करताना चुकीने माथरा येथील रहिवासी शेतमजूर रामकिसन नारायण धोटे (४०) थ्रेशर मध्ये दबले. यात त्यांचा जागीच मृत्यू झाला. मृतकाच्या पश्चात पत्नी, एक मुलगा व एक मुलगी असा परिवार आहे.
