चितळाच्या पाळसास जिवदान
राज जुनघरे
कोठारी :- बल्लारपूर, कोठारी राज्य महामार्गावर रविवारच्या सायंकाळी दरम्यान वांढरेवाडी जवळ अज्ञात वाहनाच्या धडकेत सापडलेल्या चितळाच्या पाळसास कोठारी येथील नागरिकांच्या मदतीने जिवदान दिले.
सदर घटना कोठारी पासून दोन कि.मी. अंतरावर घडली असून रविवारच्या सायंकाळी सात वाजता चे दरम्यान चितळाच्या पाळसास अज्ञात वाहनाने धडक देऊन वाहन पसार झाले. त्याच मार्गाने कोठारी येथील स्थानिक भाजपा अध्यक्ष तथा कृषी उत्पन्न बाजार समिती चे संचालक सुनील फरकडे बल्लारपूर कडून येत असता त्यांना चितळाचे पाळस जखमी अवस्थेत आढळून आले. त्यांनी आपले वाहन थांबवून स्थानिक पत्रकारांना माहिती दिली. पत्रकारांनी या घटनेची सुचना वनक्षेत्र कर्मचाऱ्यांना दिली. याच दरम्यान जखमी चितळाच्या पाळसास सुनील फरकडे, अनिल मुंढे, प्रमोद येरावार यांनी पाणी पाजुन त्याची यथासांग सोय केली. वनविभागाचे सचिन टेकाम हे आपल्या ताफ्यासह दाखल झाले. आणि जखमी पाळसास उपचार करुन देवई जंगलात सोडण्यात आले आहे.
