माजी आमदार निमकर यांच्या हस्ते कु.ज्ञानदा धोटे हिचा सत्कार
नागपूर विद्यापीठाने रजत पुरस्कारासह सहा पुरस्काराने केले सन्मानित
राजुरा : राष्ट्रसंत तुकडोजी महाराज नागपूर विद्यापीठाने सन २०१८-१९ च्या पदवीदान समारंभात राजुरा येथील ज्ञानदा रामकृष्ण धोटे हिला रजत पुरस्कारासह सहा बक्षिस प्राप्त केल्याबद्दल राजुराचे माजी आमदार सुदर्शन निमकर यांनी ज्ञानदा धोटे यांचा शॉल, श्रीफळ व पुष्पगुच्छ देऊन सत्कार केला. यावेळी विमाशीचे जिल्हाध्यक्ष केशवराव ठाकरे, शिवाजी महाविद्यालयाचे सेवानिवृत्त प्रा. रमेश ढवस, विद्या शिक्षण प्रसारक मंडळाचे सचिव तथा मुख्याध्यापक मनोज पावडे, उपाध्यक्ष बाबाराव वाभिटकर गुरुजी, शेणगाव येथील मुख्याध्यापक नितीन कडवे, साखरी येथील मुख्याध्यापक मोरेश्वर थिपे, सिंधी येथील मुख्याध्यापक बजरंग जेनेकर, पत्रकार श्रीकृष्ण गोरे, श्रीमती मेघा धोटे यांची उपस्थिती होती.
ज्ञानादला मिळालेल्या पुरस्कारामध्ये श्री शांती रंगराव मेमोरियल सिल्वर मेडल जीओग्राफिसाठी, बी.ए. अंतिम वर्ष राष्ट्रसंत तुकडोजी महाराज नागपूर विद्यापीठ, श्रीमती अनुराधा तांबे स्मृती चषक भूगोलसाठी, राष्ट्रसंत तुकडोजी नागपूर विद्यापीठ डॉ. स. अय्यंगार स्मृती पारितोषिक इकॉनामीक्स सर्वाधिक गुणासाठी, रा. तु. म. नागपूर विद्यापीठ श्रीमती लिलाबाई केशव खकारे स्मृती पारितोषिक अर्थशास्त्र सर्वाधिक गुणासाठी, हरिभाऊ पाळणीतकात स्मृती पारितोषिक सर्वाधिक गुणासाठी, अलंपल्लम श्रीरण नारायण स्मृती पारितोषिक इकॉनमिक्स सर्वाधिक गुणासाठी रा. तु. म. नागपूर विद्यापीठ ज्ञानादला हे सर्व पारितोषिक घोषित झाले आहे.
ज्ञानदाचे एल. ए. डी. महाविद्यालयातून बी. ए. ची पदवी विशेष गुणावत्तेसह मिळविली आहे. जपानी भाषा शिकत असलेली ज्ञानदा उर्फ पूर्वा सद्या दिल्ली विद्यापीठात ईस्ट एशियन स्टडीजमध्ये पदव्युत्तर शिक्षण घेत आहे. ज्ञानदा हि स्वर्गीय ऍड.राम धोटे व मेघा धोटे यांची कन्या आहे. ज्ञानदाच्या यशाचे सर्वत्र कौतुक होत आहे.
