पिकअपच्या जबर धडकेत दुचाकीस्वार युवक जागीच ठार
राजुरा, १० जुलै :- राजुरा तालुक्यातील मूर्ती गावाजवळ भाजीपाला वाहक भरधाव पिकअपने दुचाकीला जबर धडक दिल्याने दुचाकीस्वार एक युवक जागीच ठार झाला असून दुसरा युवक गंभीर जखमी झाल्याची घटना ८:३० वाजेच्या दरम्यान घडल्याची माहिती आहे.
कविटपेठ येथील रहिवासी दुचाकीस्वार सेजल श्रीकांत धोटे (२८) जागीच ठार झाला असून नरेंद्र भाऊराव बोबाटे जखमी असल्याची माहिती आहे. धडक दिलेल्या पिकअप चालकाने घटनास्थळावरून पळ काढल्याची माहिती आहे. विरूर पोलिसांनी घटनास्थळ गाठले असून पुढील तपास सुरू आहे.
