वेकोलि वसाहतीच्या सुभाषनगर येथे रस्त्याचे डांबरीकरण सुरु
माजी सरपंच संतोष नुने यांच्या मागणीला यश
घुग्घुस येथील वेकोलि वसाहतीच्या सुभाषनगर आणि गांधीनगरच्या रस्त्याचे डांबरीकरण रविवार, २४ डिसेंबर पासून वेकोलितर्फे सुरु करण्यात आले आहे.
वेकोलि वसाहतीच्या सुभाषनगर आणि गांधीनगरच्या रस्त्याचे डांबरीकरण करण्यात यावे अशा मागणीचे निवेदन भाजपाचे माजी जिल्हाध्यक्ष देवराव भोंगळे यांना घुग्घुसचे माजी सरपंच संतोष नुने यांनी दिले होते. त्याअनुषंगाने भाजपाचे माजी जिल्हाध्यक्ष देवराव भोंगळे यांनी वेकोलिकडे पाठपुरावा केला होता.
त्यामुळे वेकोलितर्फे सुभाषनगर आणि गांधीनगर येथील रस्त्याचे डांबरीकरण्यात येत असल्याने घुग्घुसचे माजी सरपंच संतोष नुने यांच्या मागणीला यश आले आहे.
रविवारला भाजपाचे माजी जिल्हाध्यक्ष देवराव भोंगळे, भाजयुमो प्रदेश उपाध्यक्ष विवेक बोढे आणि घुग्घुसचे माजी सरपंच संतोष नुने यांनी कामाची पाहणी केली.
