लॉयड्स मेटल्स अँड एनर्जी लिमिटेड कंपनीतर्फे वृद्धांना आर्थिक सहाय्य
पंकज रामटेके / विशेष प्रतिनिधी
घुग्घूस येथील लॉयड्स मेटल्स अँड एनर्जी लिमिटेड कंपनी तर्फे सामाजिक उपक्रम राबविण्यासाठी मातोश्री वृध्दाश्रमातील वृद्धाच्या निवास सोयीसाठी मातोश्री वृद्धाश्रमाच्या संस्थापक शोभाताई फडणवीस यांच्याकडे आर्थिक सहाय्य सुपूर्त करण्यात आला असून भविष्यातही या मातोश्री आश्रमाला सहाय्य करण्याचे आश्वासन लॉयड्स मेटल्स कंपनीतर्फे देण्यात आले.
बल्लारपूर मार्गावर मातोश्री वृद्धाश्रम गेल्या अनेक वर्षापासून सुरु असून या वृद्धाश्रमातील व्यक्तींना सोयी, सुविधा उपलब्ध करून देण्याच्या दृष्टीने लॉयडस मेटल्स अँड एनर्जी लिमिटेडतर्फे सामाजिक दायित्व निधीतून आर्थिक सहाय्य देण्यात आली.
मातोश्री वृद्धाश्रमाच्या रोप्य महोत्सवी वर्षानिमित्त आयोजित कार्यक्रमात आर्थिक धनादेश सन २०२२-२०२३ च्या सीएसआर निधीतून देण्यात आला. यावेळी लॉयड्स मेटल्स अँड एनर्जी लिमिटेडचे एच.आर.विभागाचे उपाध्यक्ष श्री. प्रशांत पुरी,सहायक उपाध्यक्ष श्री. पवन मेश्राम व मानव संसाधन व्यवस्थापक श्री. तरुण केशवाणी उपस्थित होते. यावेळी वृद्धाश्रमाला भविष्यातही कोणत्याही प्रकारची अडचणी आली तर कंपनीत आर्थिक सहाय्य उपलब्ध भरीव मदत करण्याचे आश्वासन एच.आर.विभागाचे उपाध्यक्ष श्री. प्रशांत पुरी यांनी दिले.
