अखेर पोंभूर्णा तालुक्यातील त्या अतिक्रमणधारकांना दिलासा नाही

अखेर पोंभूर्णा तालुक्यातील त्या अतिक्रमणधारकांना दिलासा नाही

अप्पर आयुक्त नागपूर विभाग नागपूर यांचा न्यायनिवाडा

 देवाडा खुर्द वासीयांना दिवाळीपूर्व शासनाची अप्रतिम भेट

बोगस अतिक्रमण धारकामध्ये खळबळ

पोंभुर्णा प्रतिनिधी:- पोंभूर्णा तालुक्यातील सर्वात मोठा महसुली गाव असलेला देवाडा खुर्द येथे गावविकासाची राखीव शासकीय जागा बोगस अतिक्रमण धारकांनी खोटे व बनावट दस्ताऐवज तयार करून तत्कालीन उपविभागीय अधिकारी चंद्रभान पराते व महसुल अधिकाऱ्यांशी संगनमत करून राजकीय लोकांना हाताशी धरून महसुल विभागाची दिशाभुल करून उपविभागीय अधिकारी गोंडपिपरी कडुन सन २०१४-१५ मध्ये मोठ्या प्रमाणात गावविकासाची चराईची व मोठ्या जंगलाची शासकीय जागा अनाधिकृतरित्या हस्तगत करून मालकी हक्क प्राप्त करून घेतला . परंतु हि बाब ग्राम पंचातयचे सरपंच विलास मोगरकर यांच्या लक्षात येता त्यांनी पोंभूर्णा तालुक्यातील बोगस अतिक्रमण धारकांविरूद्ध मा . उच्च न्यायालय नागपूर खंडपिठात रीठ याचीका दाखल केली . मा . उच्च न्यायालयाने देवाडा खुर्द गावकऱ्यांचा विचार करता उच्च न्यायालयाने बोगस पट्टेधारकांना नाकारल्याने मा . जिल्हाधिका – यांनी या प्रकरणात सखोल न्यायालयीन चौकशी करून पोंभूर्णा तालुक्यातील ३१ बोगस पट्टेधारकांचे पट्टे तात्काळ रद्द करण्याचे आदेश दिनांक ११ / ११ / २०१ ९ रोजी दिले . बोगस पट्टेधारक आपली अतिक्रमणीत जागा वाचवण्यासाठी जिल्हा न्यायालयात प्रकरण दाखल केले परंतु तीथेही त्यांना काही निष्पन्न झाले नाही . अखेर त्यांनी विभागीय आयुक्त नागपूर विभाग नागपूर यांचेकडे पुनर्निरिक्षण अपिल दाखल केली असता अप्पर आयुक्त नागपूर विभाग नागपूर यांनी अपिलार्थी व गैरअपिलार्थी यांची बाजू ऐकुन सर्व कनिष्ठ न्यायासनाचा अभिलेख मागुन अखेर जिल्हाधिकारी चंद्रपूर यांचा दिनांक ११ / ११ / २०१ ९ चा आदेश कायम करत ग्राम पंचायत देवाडा खुर्द यांच्या बाजूने निकाल देत ३१ बोगस पट्टेधारकांना पट्टे रद्द करण्याचा आदेश पारीत केलेला आहे . विभागीय आयुक्त नागपूर विभाग नागपूर न्यायालयाचा देवाड़ा खुर्द वासीयांनी स्वागत केले असून ग्राम पंचायत देवाडा खुर्द यांना गावविकासाची व चराईची तसेच मोठ्या झाडांच्या जंगालची जागा परत मिळाल्याने गावकऱ्यांमध्ये हर्षोउल्हासाचे वातावरण आहे . तर बोगस पट्टेधारकांचे दिवाळी हवालदिल झालेली आहे ….

 मी गाव विकासासाठी अखेरच्या श्वासापर्यंत न्यायालयीन लढा देत राहील . परंतु महसुल विभागाने भुमीअधिग्रहण करून ग्रामपंचायत देवाडा खुर्द यांचेकडे तात्काळ ताबा दयावा व बोगस पट्टेधारक व संबंधित दोषी अधिकाऱ्यांवर कार्यवाही करून गावविकासात हातभार लावावा . विलास आबाजी मोगरकर सरपंच

 ग्राम पंचायत देवाडा खुर्द . !